點解要用粵拼打字？
每當你用粵拼打字，你嘅腦海入面就要出現一次粵語嘅標準發音然後輸出，透過呢個過程你就會不斷鍛鍊自己嘅粵語標準音。無論係母語者定係學習者，都可以透過拼音打字嚟練習自己嘅發音。
我手寫我口，粵語人就用粵語拼音打字。
全平台支援
包含粵語拼音嘅
我唔識粵拼噃，點學？
粵拼好簡單，只要你識講粵語，就可以一個鐘以內學識。
粵拼嘅方案總表同發音示範喺 LSHK 粵拼方案。文字版嘅教程可以睇識普拼，學粵拼。如果你鍾意睇片學，可以睇 52 分鐘學識 LSHK 粵拼。
常見問題
下載完之後要點安裝？裝完之後要做乜？
執行安裝檔，根據指示安裝。安裝完之後撳 Ctrl + `（注意係數字 1 左邊嗰粒掣，唔係單引號！），就可以睇到「粵語拼音」嘞。
執行安裝檔，根據指示安裝。安裝期間你可能會被 macOS 話個檔案係來自未識別開發者，呢個時候請去「系統偏好設定」撳 保安與私隱 再撳檔案名稱隔離個 強制開啓 掣，然後撳 開啓。
安裝完之後撳 Ctrl + `（注意係數字 1 左邊嗰粒掣，唔係單引號！），就可以睇到「粵語拼音」嘞。
執行安裝檔，根據指示安裝。
安裝完之後開啓 Gboard，根據指示啓用粵拼鍵盤。
安裝完粵拼輸入法或者 Cantoboard 之後，去系統設置 → 鍵盤度啓用粵拼鍵盤。
我本身已經用緊 Rime 喇噃，噉要點樣加粵語拼音落 Rime 度？
- 用 + Space 切換去小狼毫輸入法。
- 喺個「中」字上面右擊，揀 輸入法設定。
- 撳 獲取更多輸入方案…。
- 然後喺彈出嚟個命令行界面，輸入
cantonese，然後撳 Enter。跟住分別輸入emoji同埋sgalal/rime-opencc-32bit-latest嚟安裝 Emoji 套件同埋最新版嘅繁簡轉換套件。 - 閂咗「Rime package installer」個視窗佢，去返「輸入法設定」個版面，勾選「粵語拼音」，然後撳 中。
- 跟住揀返自己中意嘅配色，再撳 中 嚟完成設定
- 去返選單度撳 重新部署，等個程式處理詞庫資料。
- 跟住撳 Ctrl + `（注意係數字 1 左邊嗰粒掣，唔係單引號！），就可以睇到「粵語拼音」嘞。
- 打開你嘅終端運行下面呢句話
curl -fsSL https://git.io/rime-install | bash -s -- cantonese emoji CanCLID/rime-loengfan custom:set:config=default,key=installed_from,value=rime-cantonese custom:clear_schema_list custom:add:schema=jyut6ping3 custom:add:schema=cangjie5 custom:add:schema=stroke custom:add:schema=luna_pinyin lotem/rime-octagram-data lotem/rime-octagram-data@hant lotem/rime-octagram-data:customize:schema=jyut6ping3,model=hant - 其中佢可能會彈出叫你安裝 git，要撳允許，冇 git 裝唔到 plum。運行完之後重新部署。
- 跟住撳個 Ctrl 同 `，就可以見到「粵語拼音」嘞
- 更多問題請參見 macOS 進階安裝教程或者去 Telegram 羣組諮詢。
- 如果你已經用緊 ibus，可以直接打開終端運行下面呢句話
curl -fsSL https://git.io/rime-install | bash -s -- cantonese emoji CanCLID/rime-loengfan custom:set:config=default,key=installed_from,value=rime-cantonese custom:clear_schema_list custom:add:schema=jyut6ping3 custom:add:schema=cangjie5 custom:add:schema=stroke custom:add:schema=luna_pinyin lotem/rime-octagram-data lotem/rime-octagram-data@hant lotem/rime-octagram-data:customize:schema=jyut6ping3,model=hant - 跟住撳 Ctrl 同 `，就可以見到「粵語拼音」嘞
- 更多問題請參見 Ubuntu Pop!_OS 安裝教程、 Arch Linux 安裝教程或者去 Telegram 羣組諮詢。
同文 Trime
想用同文 Trime 嘅朋友請去 Telegram 羣組諮詢。
iRime 輸入法
去 iRime 輸入法嘅「語言列表」入面，揀「粵語拼音」就可以啓用粵拼。
詞庫似乎好舊下，點更新個碼表？
同上面加粵語拼音落 Rime 嘅步驟一模一樣。
我裝咗都仲係唔用得，點算？
無論遇到咩問題，都可以入我哋嘅 Telegram 羣組揾大家幫手。
有冇咩工具可以幫我查粵拼？
遇到唔識拼音嘅字可以去 jyut.net 度查，呢個係最權威嘅在線粵音字典。電腦版嘅 Rime 粵拼可以撳 ` 或者 v 或者 x 嚟用普通話拼音、倉頡、筆畫反查。啱開始用粵拼打字嗰陣可能會唔熟手，唔使擔心，打得越多就會越熟練。只要打多幾次，粵拼就會變成你最自然嘅打字方法。
如果仲有其他問題，都可以去 Telegram 羣組入面揾大家解答。